Kulturrabatt for ungdom

Kulturrabatt for ungdom er ei rabattordning for ungdom i alderen 16-20 år.
Ved å vise gyldig legitimasjon vil ungdom oppnå 25 prosent rabatt på ordinær billettpris ved utvalde kulturinstitusjonar i Møre og Romsdal.
Sjå i linken nedst på sida for nærare informasjon og oversikt over arrangørar i fylket som er med i ordninga.

Sula kommune har sidan januar 2008 vore med i ordninga Kulturrabatt for ungdom. Ordninga gjeld førebels for arrangement i regi av kommunen.

Sula kommune vil invitere kulturhus, lag og organisajonar i Sula kommune med i ordninga slik at ungdom får betre tilgang til kulturropplevingar.
Rabatten vert refundert av fylket og ordninga medfører såleis ingen tap for arrangøren.

Med tilbodet om rabatterte billettar vil ungdom kunne delta på kulturarrangement i større grad enn før – til glede både for dei unge, og for kulturlivet i kommunen.

Interesserte lag og organisasjonar som ønskjer kulturrabatt til ungdom kan ta kontakt med Ingunn Krosby ved kulturkontoret, tlf 70199599 eller e-post

Ordninga er eit samarbeidsprosjekt mellom Kultur- og kyrkjedepartementet og Møre og Romsdal fylke gjennom Kulturavdelinga, Utdanningsavdelinga og Regional- og næringsavdelinga.
Kulturrabatten for ungdom utgjer vel ein million kroner, og vert finansiert av Kultur- og Kirkedepartementet (500.000) og Møre og Romsdal fylke (600.000).

Publisert av Krosby, Ingunn. Sist endra 07.01.2010

Link