Sula kommune har hatt ungdomsråd sidan 2002.
Rådet har 12 faste medlemmar, og skal vere ungdomen sitt organ i saker som gjeld dei.

Ungdomsrådet består av ungdomar frå 13 til 20 år frå forskjellige miljø i kommunen. Ungdomsrådet skal være eit talerør for ungdomane i Sula.

Rådet har sete i kommunestyret og har talerett, men ikkje røysterett. Ungdomsrådet engasjerar seg i rusfrie arrangement som konsertar, discotek, dataparty, markering av verdsdagen for psykisk helse, alternative feiringar på 16.mai og natt til 1.mai.
Ungdomsrådet samarbeider med mellom anna utekontakten, helsestasjon og andre etatar.

Ungdomsrådet er aktive medspelarar i MOT, og er med på mange store arrangement i samarbeid med MOT.


Tone Fiskerstrand er sekretær for ungdomsrådet.