Møteprotokollen vert godkjent.

Sidan protokollen frå møte nr 11/22 innehaldt ei sak med opplysningar som er unntatt offentlegheit, jf offentleglova § 18Unntak for rettssaksdokument, vedtok eit samrøystes formannskap å lukke møtet under behandlinga av denne saka.

Kommunedirektøren si innstilling vart samrøystes vedtatt.

Sula kommunestyre set ned eit politisk arbeidsutval med slike rammer for arbeidet:

Føremål:

• Redusere utgifter.
• Sikre ei tenleg og demokratisk styring og utvikling av Sula kommune.

Mandat:

Fase 1:

• Evaluere dagens organisering av (politisk) folkevalde organ, jf kommunelova § 5-1. Evalueringa skal bli gjennomført både i administrasjonen og politisk.
• Vurdere om det er ønskeleg med:
  • færre representantar i kommunestyret
  • meir samordna politisk og administrativ organisering
  • organisering meir på tvers av fag.
  • ein annan samansetnad og møtestruktur i planutval og formannskap er tenleg framover.
• Vurdere korleis ein kan innrette den framtidige politiske organiseringa slik at den kan sikre rekruttering av nye politikarar.
• Det blir viktig å få oppdatert informasjon om situasjonn rundt om i kommune-Noreg, f.eks. ved å få inn ein ekstern ressurs. Ordførar får ansvar for å følgje opp dette.
• Ha dialog med kommunedirektøren i høve administrativ organisering.
• Kome med framlegg på evt ny politisk organisering.
• Framlegget skal gå via fagutvala og formannskap og til kommunestyret.

Fase 2:

• Evt utarbeide nye politiske reglement dersom dagens politiske organisering vert endra. Dette blir evt eit eige arbeid som startar når vedtaket om politisk organisering er vedtatt av kommunestyret.

Tempoplan:

Fase 1:

1. Dersom det er aktuelt å redusere tal representantar i kommunestyret, må dette vere bestemt av kommunestyret før nyttår. Denne saka går eventuelt ikkje via fagutval, men til kommunestyret via formannskapet.
2. Resten av arbeidet må vere politisk bestemt seinast i mars 2023, i god tid før kommunevalet 2023.

Fase 2 må vere politisk bestemt av kommunestyret seinast i juni 2023.

Organisering av arbeidsgruppe:

(Formannskapet delegerer til partigruppene å kome med forslag på representantar.)

• Ap: Jim-Arve Røssevoll, ordførar    personleg vara: NN
• FrP: NN                personleg vara: NN
• H: NN                personleg vara: NN
• KrF: NN                personleg vara: NN
• SUL: NN                personleg vara: NN

For å sikre brei involvering får Ap ansvar for at det blir halden dialog med SV under vegs i arbeidet. Same ansvar får KrF overfor V.

Ordførar er ordstyrar.

Kommunedirektør stiller med sekretariat.

Fellesforslag utarbeidd i møte:

Mandat fase 1:

Eit viktig moment i evalering av politisk organisering er å sjå korleis ein kan innrette dette slik at ein sikrar rekruttering av nye politikarar.

Vurdere om dagens samansetnad og møtestruktur i planutval og formannskap er tenleg framover.

Det blir viktig å få oppdatert informasjon om situasjonen rundt om i kommune-Noreg, f.eks. ved å få inn ein ekstern ressurs. Ordførar får ansvar for å følgje opp dette.

Organisering:

Partia med representantar i formannskapet kan velge sine representantar til arbeidsgruppa FrP, H, KrF og SUL plukkar ut sine representantar til arbeidsgruppa.

• Det blir vald personlege vara.

• Ap har dialog med SV. KrF har dialog med V.

• Det er naturleg at ordførar er ordstyrar for arbeidsgruppa.

Formannskapet delegerer til partigruppene til å kome med forslag på representantar.

Ved avstemming vart kommunedirektøren si innstilling med endringar utarbeidd i møte samrøystes vedtatt.

Meldingane vert tekne til etteretning slik dei ligg føre.

Kommunedirektøren si innstilling vart samrøystes vedtatt.