Vedtak
Sula kommunestyre vedtek å tilby Søre Sula Vel å få kjøpe gamleskulen på Sulebust for kr. 1,- på følgjande vilkår:
- Sula kommune har forkjøpsrett ved eventuelt sal av eigedomen. Kjøpesum i fall Sula kommune ønskjer å nytte forkjøpsretten vert sett til differanse mellom verditakst i 2023 og ny verditakst innhenta på tilbakekjøpstidspunktet. Verditakst i 2023 skal indeksjusterast til eventuelt tilbakekjøpstidspunkt.
- Gjeldande reguleringsføremål "almennyttig" skal vidareførast. I fall Søre Sula Vel ønskjer å starte prosess med sikte på omregulering eller omdisponering utløyser dette forkjøpsrett for Sula kommune i samsvar med punkt 1
- Ved eventuelt sal av gamleskulen på Sulebust overførast alle forpliktelsar og rettar knytt til bygget med tilhøyrande uteområde til Søre Sula Vel.
- Sula kommune gjev Søre Sula Vel tilbod om eit rentefritt lån på inntil kr. 300.000,- med 20 års nedbetalingstid. Dette for at gamleskulen på Sulebust kan setjast i ein slik stand at den kan leigast ut til arrangement o.l., og slik skape inntekt til drift og kapitalkostnader. Søre Sula Vel kan også søkje offentlige og private tilskotsordningar i åra framover for vedlikeholdsarbeid som blir utført no ved hjelp av dette lånet.
Skulebygget med uteområde (merka som "almennyttig formål" i bebyggelsesplan for bustadfelt ved Sulebust, rev.05.09.2000) skiljast ut frå gnr 192 bnr 16 med eige gards-og bruksnr før sal og overskøyting til ny eigar – i samsvar med vedlagte kartskisser (vedlegg 5-8).
Sula kommunestyre legg som føring for eit eventuelt sal av skulen med uteareal på gnr 192 bnr 16 til Søre Sula Vel at eigedomen vert seld utan bygningsmessige tiltak. Det vert vist til sal/overføring av tilsvarande eldre skulebygg i Sula kommune til andre velforeninger og eit mål om likebehandling så langt praktisk mogleg.
Dersom Søre Sula Vel ikkje ønsker å overta eigedomen på ovannevnte vilkår så skal eigedomen leggast ut for sal på den opne marknaden. Gjennomføring av eventuelt sal i den opne marknaden vert delegert til kommunedirektøren.
Behandling
Øystein Båtnes (Frp):
Forslag til eit nytt punkt 4 i Kommunedirektøren si innstilling:
Sula kommune gjev Søre Sula Vel tilbod om eit rentefritt lån på inntil kr. 300.000,- med 20 års nedbetalingstid. Dette for at gamleskulen på Sulebust kan setjast i ein slik stand at den kan leigast ut til arrangement o.l., og slik skape inntekt til drift og kapitalkostnader.
Søre Sula Vel kan også søkje offentlige og private tilskotsordningar i åra framover for vedlikeholdsarbeid som blir utført no ved hjelp av dette lånet.
Ved avstemming vart kommunedirektøren si innstilling sett opp mot forslag frå Øystein Båtnes.
Kommunedirektøren si innstilling fall med 3 mot 4 stemmer (FrP og SUL).