Rolla til kommunen ved kriser
Beredskapsplikta er forankra i Sivilbeskyttelsesloven og utdjupa i tilhøyrande forskrift.
Det er etablert planverk, varslingsrutinar og tiltak som gjer at kommunen er førebudd på å handtere uønskte hendingar - både i forhold til naturhendingar, som følge av ulykker eller hendingar som berører tenesteyting eller lokal infrastruktur.
Kommunen samarbeider om samfunnsikkerheit og krisehandtering med mange andre styresmakter - som t.d. statsforvaltaren, politiet, sivilforsvaret, forsvaret og nabokommunar.
Hendingar skal i utgangspunktet handterast innanfor den normale verksemda. Når det blir vurdert at denne ikkje klarer å handtere hendinga, det trengst fleire ressursar, koordinering av tiltak ut over ramma verksemd, eller konsekvensane blir store, blir den kommunale kriseorganisasjonen aktivisert. Kommunedirektøren vedtar om den kommunale kriseleiinga skal samlast, og/eller om planlagde krisehandteringstiltak skal settast i verk.
Kommunal kriseleiing
Kommunedirektør er leiar av kommunen si kriseleiing. Her sit også kommunalsjefane og fagpersonar med overordna beredskapsansvar. I tillegg møter også politi og prest. Andre blir kalla inn ved behov, avhengig av hending.
Ordførar er talsperson til kommunen ved krisehendingar.
Kriseteam
I kommunen er det eit eige kriseteam med fagpersonell som har særskilt kompetanse i psykososialt arbeid.
Det er kriseleiinga i kommunen, fastlegen, politiet, brannvesenet eller AMK som vurderer behov for - og som kallar ut/kontaktar kriseteamet ved ei hending.
Den enkelte innbyggar kan ikkje sjølv kontakte kriseteamet med ønske om hjelp.
Her kan du lese meir om psykososialt kriseteam
Kommunalt risikobilde
Kommunen har ansvar for å vareta tryggleiken og tryggleiken i befolkninga.
For å kunne forbygge kriser og ha ein god beredskap må vi først vite kva kriser som kan ramme kommunen vår. Kommunalt risikobilete er ei samla oversikt over risiko og sårbarheiter som fortel oss kva vi må arbeide for å førebygge og kva vi må ha ein beredskap for å handtere.
Relevante lover og forskrifter
Kommunen si beredskapsplikt er fastsett i Sivilbeskyttelsesloven.I tillegg er det krav til vår beredskap i fleire lover og forskrifter som for eksempel: