«Response to Intervention» (Kearney og Graczyk, 2014)

Trivsel og tryggleik er uvurderleg for at barn skal oppleve meistring på dei arenaene dei er. Det har nær samanheng med det å møte opp og delta i barnehage og skule. I skule både lokalt, nasjonalt og internasjonalt ser vi at nokre barn ikkje deltek i skulen på den måten vi ynskjer. Det er viktig å ha ei brei fagleg tilnærming til både urovekkande fråvær, kva som sikrar god deltaking og korleis vi kontinuerleg kan arbeide for å auke trivselen. Alle barn har rett til eit trygt og godt barnehage- og skulemiljø. Modellen er henta frå liknande plan i Oslo kommune, og viser at vi må arbeide på ulike nivå, med ulik grad av innvolvering. 

Sula kommune er i gang med å lage ein eigen Nærværsplan. Planen skal innehalde alt frå førebygging av fråvær frå skule og barnehage, overgangar og fagleg forankring. Men først og fremst skal det vere eit arbeidsverktøy for tilsette i skule og barnehage om bekymringsfullt fråvær, og ein plan føresette kan finne hjelp i om dei opplever vanskeleg situasjonar.  Ei arbeidsgruppe som har brei fagleg forankring er i gang med arbeidet, og dei vil ha spesielt ansvar for gode medverknadsprosessar. Det er viktig å få inn både barn og foreldre sine stemmer. Planen vert publisert på heimesida til Sula kommune, og vil nytte BTI som rammeverk. 

Planen skal svare på blant anna Mål 1 og 2 i Kultur og oppvekstplanen:  Barn og unge skal ha ein oppvekst som fremjar helse og inkludering, og reduserar sosial ulikskap. Barn, unge og familiar som treng det får tidleg oppfølging og koordinerte tenester.

Læreplanverket definerer fem grunnleggende ferdigheter: lesing, skriving, regning, muntlige ferdigheter og digitale ferdigheter. I arbeidet med å lage ein Språkplan vil vi i Sula styrke arbeidet vår opp mot nettopp særleg språk, med vekt på lesing og skriving. Språkplanen vil bli til gjennom to år, og er eit stort utviklingsprosjekt som femner om alle barnehagar, skular og SFO i Sula, PPT  og fleire samarbeidspartnar som helsestasjon, bibliotek og vidaregåande skular.  Arbeidet er ein del av ei felles kompetanseheving som er delfinansiert gjennom ulike kompetansehevingsordningar. Høgskulen i Volda bidreg med fagleg påfyll og sikring av at arbeidet er av god kvalitet. 

Språkplanen gir både kompetanseheving til tilsette og det vil bli arbeidd fram ein plan som skal gjelde for heile oppvekstfeltet i Sula kommune. Slik er planen med på bidra til felles rammeverk og likt kvalitativt tilbod i skular og barnehagar. Foreldrerolla og samarbeid med heimen vil vere ein viktig del av planen. Planen vil bli til i ulike steg, der ein etter kvart halvår vil vere ferdig med ein del av planen. 

Vi gleder oss spesielt til dette arbeidet - her får vi brei involvering av alle tilsette i oppvekstfeltet i Sula.  

Språkplanen vil svare til fleire av måla i Kultur og oppvekstplanen, men Mål 5 Alle har kompetanse og ferdigheiter til å møte krav i framtida er særleg gjeldande. Det målet tek føre seg både barna sine behov for å lære viktige ferdigheiter og at Sula kommune legg til rette for lærande nettverk og profesjonsfellesskap. 

Her vil vi fortelje meir om arbeidet om forsterka tilbod for barneskulane. 

Barn møter mange krav og utfordringar i kvardagen, og det er viktig at dei får tru på at dei kan meistre desse. Meistring handlar ikkje berre om å prestere, men om å kjenne seg trygg og ha kontroll. Når barn opplever meistring, aukar trua på eigne evner – og denne trua gjer at dei vågar å prøve igjen. For å støtte barna, treng dei vaksne som både viser varme og set klare grenser. Dette kallast ein autoritativ vaksenrolle. Barn treng også hjelp til å regulere eigne kjensler og tankar, og til å forstå verda i kring seg. I prosjektet “Barn som meistrar” jobbar vi med å skape trygge miljø der barn får støtte, struktur, engasjement og oppleving av tryggleik – både på skulen, i barnehagen, heime og på dei andre arenaene dei er på.

14. august 2025 var Pål Roland på besøk i Sula kommune. Han føreleste først for alle tilsette på dagtid. På kvelden heldt han kurs for føresette. Dette vart teke opp på video, og gjort tilgjengeleg ut september 2025 for alle gjennom informasjon frå skular og barnehagar. Dette foreldrekurset nådde tilsaman over 400 føresette. 

Autoritativ vaksenstil Livet og sånn

Tema for dei ca 400 tilsette som høyrde Pål Roland på dagtid fall saman med tema for dei over 400 føresette som høyrde han på kvelden eller digitalt. Hovudfokuset var blant anna den Autoritative vaksenrolla; korleis vere ein varm og omsorgsfull vaksen som også greier å sette gode og klare grenser, krav og forventingar. Lett å formulere, vanskeleg å gjennomføre. Vi i Sula har tru på at om føresette, barnehage og skule har likt utgangspunkt, har vi betre mulighet til å lukkast saman. Livet og sånn fortel oss også litt om dette.  

For barnehage og skule vil det vere viktig å skape eit autoritativt klima. Bear (Roland, 2025 ,s. 86) omtalar fire komponentar som er viktige for å ha fokus på når vi skaper eit eit autoritativt klima: 

• Sosial og emosjonell støtte 
• Struktur 
• Engasjement 
• Oppleving av tryggleik 

Foreldrekurset bidrar til å nå blant anna Mål 4, Føresette gir barn og unge ein trygg og god oppvekst, i Kultur og oppvekstplanen.