Øya Sula ligg sør for Ålesund, det tek om lag 35 minutt med bil mellom kommunesenteret Langevåg og Ålesund sentrum, med passasjerbåt tek turen berre 7 minutt.
- Sula kommune vart etablert 1. januar 1977 og ligg i Møre og Romsdal fylke.
- Folketalet i kommunen er 9 547 (pr. 1 januar 2022) Oppdatert folketal finn du til ei kvar tid på Statistisk sentralbyrå (SSB) sine sider.
- Med sine 58 km² er Sula kommune ei av dei minste, men samtidige ei av dei mest folketette kommunane i fylket med 165 innbyggarar pr. km²
- Sula er eit viktig trafikknutepunkt ettersom Europaveg 39, kyststamvegen, går gjennom kommunen. Ei bru og to ferjesamband knyter øysamfunnet til nabokommunane.
- Kommunen har til saman fem bygder: Langevåg, Fiskarstranda, Mauseidvåg/Eikrem, Solavågen og Veibust/Kvasnesbygda.
- Halvparten av innbyggjarane i kommunen bur i Langevåg som også er kommunesenteret
- Sula var tidlegare eit viktig fiske- og landbruksområde. I dag er fleire næringsvegar representerte, mellom anna fiskeforedling og skipskonstruksjon.
- Sula er kjent som musikkommunen med Ytre Suløen, Brazz Bros, Annbjørg Lien, Robert Post, Nils Petter Molvær, Lena Nymark, Siril Malmedal Hauge m. fl.
Karl Otto Kristiansen
Sist endra 16.10.2023 15.54