Dette er Måseide barnehage
Måseide barnehage er ein kommunal barnehage med 4 avdelingar.
Pellamarka og Pettergjerdet er småbarnsavdelingar som hovedsakelig tek imot barn under 3 år, alt etter søknadene som kjem inn kvart år. Myrbekkane og Ingeskogen er storbarnsavdelingar.
Barnehagen har Måseide skule (som no er nedlagt) som næraste nabo, og vi kan bruke deira uteplass når det passar.
Følg oss gjerne på sosiale kanalar
Måseide barnehage vart opna 31.august 1993. To av avdelingane var for barn 0-5 år. Den tredje avdelinga var den gong ei rein 6-års avdeling som tilhøyrde Måseide skule.
01.08.97 blei 6-åringane flytta over i skulen sine lokale. Måseide barnehage fikk dermed 3 avdelingar med barn i alderen 0-5 år, der eine avdelinga vart småbarnsavdeling 0-3 år.
01.10.07 fekk vi eit påbygg med nokre fleire rom, mellom anna grupperom og møterom. I tillegg til påbygget hadde vi ei ombygging inne på småbarnsavdelinga. Småbarnsavdelinga vart dermed utvida til 14 plassar under 3 år. I dag har vi 12 plassar på kvar småbarnsavdeling.
15.08.11 utvida vi storbarnsavdelinga til 24 plassar, medan den mellomste avd har 18 plassar tilpassa over og under 3 år. Antal plassar i desse avdelingane er tilpassa arealet.
11.01.16 blei eit nytt påbygg tatt i bruk. Ei ny småbarnsavdeling med 12 plassar. Vi fekk samtidig satt opp gjerde på uteleikeplassen som no skiller oss frå Måseide skule. Gjerdet på skuleplassen var nødvendig med tanke på sikkerheita ute.