Gjennom deltaking i Erasmus+ samarbeid forpliktar Sula seg til å arbeide inn mot dei målsettingane og prioriteringane som regjeringa har nedfelt i sin strategi for europeisk samarbeid:  

• Støtte livslang læring gjennom utdanning   
• Redusere klimaavtrykka  
• Utnytte dei moglegheitene som digitalisering kan gje   
• Auke interessa for- og kunnskapen om korleis ein kan delta i demokratiet og påverke eigen kvardag  

Formål: 

• Berekraft
• Digitalisering
• Inkludering
• Aktivt medborgarskap

• Sosial bærekraft 
• Digitalisering 
• Bevisste berekraftige skular og barnhagar -  med fokus på det grøns skiftet 
• Større fokus på innovasjon og entreprenørskap - auke barna sine tverfaglege, analytiske og problemløsningskompetansar 

Sula kommune har utarbeida ei handbok for tilsette for korleis kunne delta i Erasmus +. Denne er gjort tilgjengeleg på Teams for alle einingane. Den informerer om innsatsområda, målsettingar, praktisk informasjon om reiser, økonomi og dokumentasjon. Om du er tilsett og ønsker meir informasjon, be einigsleiar legge deg til teamet for Internasjonalt utviklingssamarbeid. 

Første periode i akkrediteringa er gjennomført med følgande mobilitetar og reiser: 

• Jobbskygginger: 16 tilsette
• Kurs: 1 tilsett
• Førebuande møter: 2 tilsette

Dei som reiste viste at 93,75 % var svært nøgde med Erasmus+ mobilitets opplevinga si, medan 6,25 % var nøgd. Ingen var mindre eller svært dårleg nøgd med opplevinga. 

Hovudtrekka i læringsutbytte for dei tilsette var at det var nyttig for eigen arbeidspraksis og eigen fagkunnskap, auka forståing om ulikheit, diskriminering, intoleranse og rasisme og auka ferdigheter i organisering og leiing. 87,5 % kjente på at dei auka språkkompetansen sin.  

Frå barnehage har det vore 16 tilsette på mobilitet og i skule har det vore 8 tilsette på mobilitet. Land vi har besøkt er: Danmark, Italia, Frankrike og Kroatia. 

Rapport for reiser er innlevert og godkjent. Totalt har vi fått 25 920 Euro til å gjennomføring i denne perioden. 

For gjeldande periode er det innvilga inntil 39 233 Euro. Midlane kan utelukkande gå til moblitetar i Oppvekst etter gjeldande målsettingar som nevnt over. Det er søkt om jobbskygging til 15-23 tilsette, kurs i EU for 1-3 personar, og at vi kan invitere foredragshaldarar hit til Sula frå 1-2 ganger. Rammer for jobbskygging er mandag -fredag. 

Kvar kommunal skule og barnehage i Oppvekt si Sula har eig OID-nummer. Dette er indetifikasjonsnummer som viser at ein er innlemma i Erasmus + samarbeidet og vert brukt i rapportering og ved samarbeid. 

• OID E10141947 Sula kommune, kultur og oppvekst
• OID E10326734 Rørstadmarka skule og SFO
• OID E10355054 Langevåg barnehage
• OID E10096921 Langevåg skule og SFO
• OID E10089021 Molvær barnehage
• OID E10086316 Måseide barnehage
• OID E10097247 Solevåg skule og SFO
• OID E10172294 Sula ungdomsskule
• OID E10088541 Sunde barnehage

Kultur og oppvekstplanen 2022-2032 kapittel 10: 

Sula, ein del av Europa

I barnehage og skule skal vi førebu barn og unge på ei framtid ingen av oss veit kva vil bringe. Framtidas kompetanse kan vere der vi er i dag eller noko heilt anna. Endringskompetanse og å styrke det enkeltes barns tru på seg sjølv og å gje dei eit godt fundament for framtida er viktig for oss.

Gjennom ei satsing på eit europeisk utdanningssamarbeid vil vi auke den kulturelle forståinga for borna i Sula. Vi kan utvide horisonten vår samtidig som vi vil bli betre på å inkludere dei som kjem frå andre land til Sula. I eit Europa i stadig endring er det viktig med eit tett og godt samarbeid. Sula kan også bidra med erfaringar og kunnskap på viktige områder for samarbeidspartnarar.

Gjennom deltaking i Erasmus+ samarbeid forpliktar Sula seg til å arbeide inn mot dei målsettingane og prioriteringane som regjeringa har nedfelt i sin strategi for europeisk samarbeid. Målsettingane samsvarar godt med dei innsatsområda vi har lokalt og med det arbeidet vi har gjort dei siste åra. Hovudmålsettinga til regjeringa er å støtte livslang læring gjennom utdanning og personleg og profesjonell utvikling for befolkninga i Europa og utanfor. Det skal vere enkelt å delta og ein skal arbeide for å redusere klimaavtrykka. Ei tredje målsetting er å utnytte dei muligheitene som digitalisering kan gje i høve internasjonalt samarbeid. Den siste målsettinga er å auke interessa for, og kunnskapen om korleis ein kan delta i demokratiet og påverke sin eigen kvardag. Elles er det sektorspesifikke prioriteringar som t.d. handtere læringsutfordringar, hindre fråfall og auke grunnleggande ferdigheiter i skulesektoren aktuelle tema. Vårt fokus på sosial berekraft og innovasjon og entrepenørskap vil vere aktuelt i eit internasjonalt samarbeid.