Eit fritt val er grunnlaget for eit velfungerande norsk demokrati. Valdagen er den viktigaste enkelthendinga i demokratiet vårt. Sula kommune søker frivillige som kan hjelpe til med gjennomføringa denne dagen. Vi treng kanskje litt hjelp under førehandsstemmingsperioden også.

Du som blir med kan sjå fram til ein spanande og viktig dag i vallokalet. Du må rekne med å vere til stades i heile opningstida, inkludert noko tid til rigging og rydding i for- og etterkant. Opplæring vil sjølvsagt bli gitt.

Du vil bli godtgjort etter faste satsar. Om du må ta deg fri frå arbeid og blir trekt i løn frå arbeidsgjevar, vil du sjølvsagt ha rett til å få dekt tapt arbeidsforteneste (mot dokumentasjon frå arbeidsgjevar).

Kom med forslag

Kommunen oppfordrar innbyggarane / ålmenta til å kome med forslag på valfunksjonærar til valet. Det er lov å foreslå seg sjølv. 

Skjema for registrering av valfunksjonærar

Kommunestyrevalet i Sula 2023 - innkomne listeforslag til offentleg ettersyn

Valutvalet har det formelle ansvaret for gjennomføring av val i Sula kommune, lov om val til Stortinget, fylkestinget og kommunestyrer av 28.06.2002 (vallova)

I Sula kommune er det formannskapet som er valstyre.

Valutvalet opprettar stemmestyre for kvar valkrins, desse skal administrere gjennomføringa av valet på sjølve valdagen.

Sekretariat for valutvalet og valansvarlege i administrasjonen er formannskapssekretær Frode Elias Synnes og Anne Lise Engkrog Salen.