Søke om kommunal gjennomgangsbustad
Om du ikkje klarer å skaffe deg ein eigna bustad sjølv eller med annan offentleg hjelp, kan du søke om å leige kommunal gjennomgangsbustad
Kommunal gjennomgangsbustad er eit mellombels tilbod, ordinær varigheit for leige er 3 år. Vi gjer merksam på at det pr. i dag er venteliste på leige av kommunal gjennomgangsbustad i Sula kommune.
Kven kan få tilbodet?
Du må vere
- over 18 år
- folkeregistrert i Sula kommune.
- utan eigna bustad
- utan inntekt og formue som gjer deg i stand til å skaffe deg bustad på eiga hand.
Korleis søke?
Fyll ut søknadsskjema
Du kan få hjelp til å fylle ut skjemaet i innbyggartorget på rådhuset i Sula kommune.
Søknadsfrist
Søknadane blir behandla fortløpande.
Pris
Kva skjer vidare?
Om du får tildelt bustad, blir det inngått ein tidsbestemt leigeavtale mellom deg og Sula kommune. Ordinær varigheit for leige er 3 år.
Du vil som hovedregel bere få eit tilbod om bustad. Om du takkar nei til den bustaden du får tilbod om, avsluttar vi saka di og fjernar deg frå ventelista.
Det blir stilt krav om at du inngår avtale med Sula kommune om oppfølging av burettleiar. Det er venta at du sjølv aktivt prøver å finne annan bustad innan leigeavtalen gjeng ut.
Klage
Du har rett til å klage om du meiner noko i vedtaket er feil. Klagefristen er 3 veker frå melding om vedtak er sendt. Klagen skal vere skriftleg og grunngjeven. Den skal sendast til Sula kommune, Postboks 280, 6039 Langevåg.