Sula kommune legg med dette ut forslag til lokal forskrift om satsar for berekning av grunntilskot til private barnehagar i Sula kommune for tilskotsåret 2027 til offentleg høyring. Høyringsfrist er 20. oktober 2026.
Forslaget er utarbeidd som følgje av nytt regelverk for finansiering av private barnehagar, der kommunane frå 2027 skal fastsetje lokale satsar gjennom forskrift. Tidlegare vart satsane fastsette gjennom årlege enkeltvedtak.
Høyringa vert gjennomført i medhald av forvaltningslova § 37.g.
Sula kommune har utarbeidd forslag til forskrift om satsar for berekning av grunntilskot til private barnehagar for 2027. Forskrifta skal leggje grunnlaget for kommunen sine tilskotsutbetalingar til private barnehagar i tilskotsåret 2027.
Satsane er berekna med utgangspunkt i kommunen sitt rekneskap for 2025 og i samsvar med gjeldande reglar i barnehagelova og forskrift om finansiering av private barnehagar.
Forslaget omfattar satsar for ordinære private barnehagar. For opne barnehagar vert nasjonal sats nytta.
Ny forskrift om finansiering av private barnehagar frå 2026 pålegg kommunane å fastsetje lokale satsar for grunntilskot i forskrift. Forslaget til forskrift for 2027 er utarbeidd med heimel i:
- barnehagelova §§ 19 og 19 a
- forskrift 23. mars 2026 nr. 454 om finansiering av private barnehagar § 1
Før forskrifta kan vedtakast, skal ho leggjast ut til offentleg høyring. Høyringa skal sikre openheit og gi private barnehagar, organisasjonar og andre berørte høve til å kome med innspel før endeleg politisk behandling.
Prosess
Levekårsutvalet har vedteke å leggje saka ut til offentleg høyring 07.09.2026.
Etter at høyringsfristen har gått ut, vil kommunen:
- gå gjennom alle innkomne høyringsinnspel
- ha møte med styrarar i dei private barnehagane
- utarbeide oppsummering av innspela
- vurdere behov for endringar i forskriftsutkastet
- leggje saka fram for endeleg politisk behandling
Kommunestyret vil få saka til orientering og kan delegere mynde til å fatte endeleg vedtak til formannskapet. Endeleg vedtak er planlagt i formannskapet 24. november 2026. Frist for endeleg vedtak av forskrifta er 30. november 2026.
Høyringsdokument
Følgjande dokument ligg ved høyringa:
Innspel
Høyringsfristen er sett til 20.10.2026
Høyringsinnspel kan sendast til Sula kommune på ein av følgande måtar:
Merk innspel med saksnummer 26/4741