Miljørettleiar ved Langevåg skule 
Stillinga skal styrke arbeidet med å førebygge og følge opp ufrivillig skulefråvær, og bidra til auka trivsel, meistring og nærvær i skulen.

Styrking av Familie- og ungdomsstøtteteam 
Teamet er eit tverrfagleg lågterskeltilbod for gravide, barn, ungdom og familiar. Tilskotet gir auka kapasitet til utvikling og vidare drift av tilbodet, og vil styrke arbeidet med tidleg innsats og samordna hjelp til familiar som treng støtte.

Styrking av helsestasjon og skulehelsetenesta
Midlane skal også bidra til å styrke helsestasjonstenesta og skulehelsetenesta. Dette skal sikre god tilgang til råd, rettleiing og oppfølging, og bidra til at utfordringar blir fanga opp på eit tidleg tidspunkt.

Del av eit større arbeid
Tiltaka er forankra i kommunen sin langsiktige satsing på gode oppvekstvilkår og tidleg innsats for barn og unge i Sula kommune. Gjennom styrking av skule, helsestasjon og familiestøttande tenester, ønskjer kommunen å bidra til at fleire barn og unge opplever meistring, tilhøyre og inkludering i kvardagen.