Tilskot til skulemiljøteam
Sula kommune har fått tildelt eit treårig tilskot frå Utdanningsdirektoratet for å etablere skulemiljøteam ved skulane våre. Midlane skal brukast til å tilsette ein koordinator og bygge opp team som skal arbeide målretta for å sikre eit trygt og godt skulemiljø for alle elevar.
Kva er eit skulemiljøteam?
Skulemiljøteamet skal støtte skulane i arbeidet med å:
- utvikle trygge og inkluderande skulemiljø
- førebygge mobbing og andre krenkingar
- følge opp elevar og skular med særlege utfordringar
- bidra i arbeidet med å redusere bekymringsfullt fråvær
- vere ein ressurs i saker som krev tett oppfølging, utan å overta ansvaret frå skulane
Teamet skal vere ein del av den breie innsatsen for å førebygge utanforskap, marginalisering og kriminalitet blant barn og unge.
Koordinatorstilling lyst ut
Stillinga som koordinator for skulemiljøteamet hadde søknadsfrist 3. august 2025. Koordinatoren vil få ei sentral rolle i å leie og utvikle teamet, og samarbeide tett med skulane i kommunen.
Dette er eit viktig steg i arbeidet med å sikre at alle elevar i Sula kommune opplever skulen som ein trygg og god stad å vere.
Publisert 09.07.2025 10.49
Sist endra 11.08.2025 09.14