Kva tilbyr vi?
Praktisk hjelp i heimen slik den enkelte kan bu heime lengst mogleg.
Kven kan få tilbodet?
Du må ha eit særlig behov for praktisk hjelp i heimen på grunn av sjukdom, funksjonsnedsetting eller alder. Behovet vert vurdert etter søknad og det vert fatta vedtak på hjelpa.
Korleis få tilbodet?
Fyll ut skjema i lenken under. Vi har lagt ut skjema i to versjonar, eit elektronisk og eit i pdf. Begge skjema skal skrivast ut og sendast til oss pr. post.
Om du treng meir informasjon, hjelp til å fylle ut søknadsskjema eller råd med tanke på kva tenester du bør søke på , kan du ta kontakt med tiltakskontoret som har base ved Sulatunet. Servicekontoret ved Rådhuset kan også hjelpe deg.
Kva kostar det?
Det vert kravd eigenandel for praktisk hjelp i heimen. Betalingssatsane er gradert etter inntekt og vert fastsett av kommunestyret.
Pris for heimehjelp - praktisk hjelp i heimen
Den som har mindre heimehjelp enn det som vert omfatta av abonnementsordninga, skal betale for faktisk medgått tid etter ein timesats på kr 516,00. Minimum reknast 1/2 time. Det skal ikkje krevjast eigenbetaling ut over sjølvkost, for tida rekna til kr 516,00 pr time. Bruk av vaktmeistertenesta til montering/tilpassing av hjelpemiddel i private heimar er omfatta av same timesats.
Vask av privat tøy for bebuarar i bukollektiv
Dei som bur i bukollektiv, får tilbod om vask av privat tøy etter satsar fastsett av vaskeritenesteleverandøren. Naudsynt merking av tøy dekkjast av bebuaren. Vaskeriutgifter som overstig kr 1.576,- pr mnd, vil for den enkelte bli dekt over bukollektivet sitt budsjett. Utgiftene er omfatta av sikringsregelen.
Kva skjer vidare?
Søknader vert behandla etter kvart som dei kjem inn. Seinast innan 3 veker skal du motta svar frå kommunen med endeleg vedtak eller orientering om når du kan forvente endeleg svar.
Klage
Vedtak om praktisk hjelp i heimen kan påklagas etter Pasient- og brukerrettighetslova §7-2. Nærare informasjon om vilkår for klage vert sendt ut saman med vedtaket frå kommunen. Dersom du får medhald i ei formell klage på sakshandsaming, omfang av tenesta eller kvaliteten på den tenesta du har motteke, vert klaga teke til fylgje gjennom eit nytt vedtak.