Hurtigbåtruta Langevåg – Ålesund (rute 1149) er ei av rutene som i dag seglar på dispensasjon frå Sjøfartsdirektoratet, direktoratet har overfor reiarlaget opplyst at denne ikkje vil bli fornya. For at mannskapet skal få lovfesta kviletid må dagens rutetabell endrast.

FRAM foreslår å endre ruta på føremiddagen (sjå vedlagte rutetabellar), slik vi vurderer det er dette ei tid på dagen med relativt få reisande og endringa rører heller ikkje ved opningstida eller talet på avgangar (produksjon) i ruta.
FRAM ønsker å iverksette endringa snarast råd og ber om fråsegn på forslaget til ruteendring seinast innan 31. mai 2024.

Her finn du rutetabellane for rute 1149, dagens rutetabell og forslag til ny -tabell. (PDF, 59 kB)

Fråsegn

Eventuell fråsegn sendast til post@sula.kommune.no merka med «Fråsegn kviletidsreglar Langevågsruta – saksnr 23/1166» innan 22. mai.