Nye retningslinjer for TT-ordninga
Fylkestinget i Møre og Romsdal vedtok i sak T 004623 nye retningslinjer for TT-ordninga. Dei nye retningslinjene gjeld frå og med 1. januar 2025. TT-budsjettet frå og med 2024 blir redusert frå 15 millionar kroner til 10 millionar kroner. Som ein konsekvens av vedtaket må talet på brukarar i ordninga reduserast.
I følge fylkeskommunen inneheld vedtaket mange detaljar, dei har derfor valt å avgrense informasjonen dei sender ut no, for heller å sende ut meir informasjon i løpet av 2024.
Dei ber brukarar av ordninga vere merksame på følgande:
- Det blir innført eigenandel på 40 kroner per reise frå 1. januar 2024
- TT-kortet kan ikkje brukast til å dekke eigenandelen
- Brukarar som per dags dato i år ikkje har nytta TT-midlane blir tekne ut av TT-ordninga
- Frå og med dags dato blir ingen nye brukarar tekne inn i TT-ordninga
- TT-brukarane må søke om TT-midlar for 2025 etter dei nye retningslinene, søknadfrist er 1. oktober 2024
- Det blir oppretta venteliste for søkarar som fyller kriteriera, men ikkje får tilbod om reisestøtte
Ta kontakt med tiltakskontoret om du har spørsmål.
Publisert av Kathrin Vågnes
Publisert 29.11.2023 15.01
Sist endra 29.11.2023 15.44