Klokka 22.00 fredag 3. november slår Sula kommune av gamle journalsystem og går over til eit nytt, Helseplattformen. I første omgang er det Sulatunet, heimetenestene, bustader med heildøgns bemanning, psykisk helsevern, og helsestasjonen som koplar seg på Helseplattformen. Kommunelegekontoret og fastlegane vil ta i bruk systemet på eit seinare tidspunkt.
Sula kommune tar i bruk løysinga samtidig med åtte andre kommuner i Møre og Romsdal. Per 23. oktober er det 34 kommuner i Midt-Noreg som anten har tatt i bruk Helseplattformen, eller som har vedtatt å kople seg på.
Eit løft for helse- og omsorgstenestene
Målet er bedre informasjonsflyt og økt pasientsikkerhet.
Løysinga Helseplattformen er ein felles digital pasientjournal for heile helsetenesten i Midt-Noreg, både kommunar, sjukehus, fastlegar og avtalespesialistar. Målet er å betre informasjonsflyten og auke pasientsikkerheit. Visjonen er Ein innbyggar - ein journal. Vi er sikker på at innføring av Helseplattformen vil bety ei stor kvalitetsforbetring for helsetenestene i kommunen, seier kommunalsjef for helse og mestring Kjetil Fylling.
Vi er klare til å ta Helseplattformen i bruk
565 tilsette skal ta i bruk eit heilt nytt arbeidsverktøy. Overgangen er lagt til eit tidspunkt då det vanlegvis er låg aktivitet i helsetenestene, men det kan likevel hende at ting vil ta litt lengre tid i starten. Det ber vi om forståing for.
Den siste tida har det blitt gjennomført eit formidabelt arbeid internt med å overføre data frå gamle systemer, og dei tilsette har fått opplæring i form av kurs og eigentrening.
Som med alle store teknologiprosjekt, er kommunen budd på at det dukkar opp nokre utfordringar i starten. Det er heilt normalt i så omfattende prosjekt som krev svært mykje av både medarbeidarar og av organisasjonen vår. Vi har tatt nødvendige førehandsreglar og vurderer løysinga som forsvarleg å ta i bruk, seier innføringsleiar for Helseplattformen i Sula, Grethe Juul Molvær.
Vi ber om litt ekstra tålmodighet i tida som kjem. Vi skal framleis sørge for gode og forsvarlege helsetilbod for alle innbyggarane våre. Samtidig kan tenestene våre ha nokre begrensingar i enkelte periodar, fordi tilsette brukar mykje ressursar på innføringa av den nye løysinga.
Vi gjer det vi kan for at overgangen til Helseplattformen skal gå så smidig som mogleg. I starten kan innføringa likevel føre til at tenestetilbodet til brukarar og pårørande blir noko redusert, seier Grethe Juul Molvær.
Fakta om Helseplattformen
Helseplattformen er ein ny, felles pasientjournal for heile helsetenesta i Midt-Noreg. Helseopplysningane dine har lagt i fleire ulike datasystem, som ikkje snakkar med kvarandre. Med Helseplattformen vil du no få ein journal, som skal følgje deg i alle møta med dei tenestene som tar Helseplattformen i bruk. At helsepersonell har tilgang til rett informasjon, til rett tid, samla på ein og same plattform, vil også auke pasienttryggleiken din.
Spørsmål og svar om Helseplattformen