Informasjon til deg som bur i kommunal bustad

Som leigetakar i ein kommunal utleigebustad har du både rettar og plikter. I denne artikkelen har vi prøvd å lage ei oversikt over kva som er ditt ansvar som leigetakar og kva som er Sula kommune sitt ansvar som utleigar.

Husleige

Slik betalar du husleige

Om du ikkje betalar innan forfall

Om du ikkje betalar husleiga innan fristen vil du etter 15-20 dagar få eit inkassovarsel med purregebyr.
Om du ikkje betalar inkassovarselet, går husleiga til inkasso med høgare gebyr (inkasso-omkostningar).
Om du ikkje betaler det du skylder etter dette, risikerer du å miste boligen din.
Ta gjerne kontakt med Økonomikontoret på telefon 70 19 91 00 eller e-post okonomi@sula.kommune.no, hvis du har spørsmål om betaling av det du skuldar.

Utsett betaling

Du kan be om å få utsett betaling i 30 dagar inntil fire gongar pr. halvår.
Du kan ikkje be om utsetting om du har meir enn fire ubetalte fakturaer, eller meir enn NOK 12 000,00 uteståande til Sula kommune.
Om du har AvtaleGiro eller eFaktura må du sjølv endre forfallsdato i nettbanken.

For å søke om betalingsutsetting må du logge deg inn på Mine fakturaer. Du må logge deg på via ID-porten. Hjelp til å logge på.

Kva kostar det å bu i kommunal bustad

Fast depositum er for kommunal gjennomgangsbustad er 12 000 kroner, eller du må legge fram garanti for tilsvarande beløp. Det er ikkje depositum på kommunal omsorgsbustad.
Det varierer kva som er inkludert i husleiga. Det kan for eksempel være straum, oppvarming, tv og internett. Kva som er inkludert står i husleigekontrakten din.
Innbuforsikring er ikkje inkludert i husleiga Du kan kontakte et forsikringsselskap for meir informasjon og tilbod.

Husleige for kommunale bustadar i Sula kommune

Leigekontrakt

Husleigekontrakta di

Husleigekontrakta er ein avtale mellom deg som leigetakar og Sula kommune som eigar av bustaden. Kontrakten seier noko om kva for ein bustad du leiger, kor lenge leigeavtalen gjeld, og kor mykje du må betale i husleige.
Kontrakten regulerer kva for rettigheiter og plikter du har som leigetakar. Du kan lese meir om dette i Lov om husleieavtaler (husleieloven)
Om du misser husleigekontrakta og treng ein kopi kan du kontakte Servicetorget.

Oppseiing av leigekontrakt

Når leigekontrakta gjeng ut

Når leigekontrakta gjeng ut må du flytte ut alle eigendelane dine.
Om du ønsker å halde fram med å bu i bustaden må du søke om fornying av leigeavtalen din. Gjer det i god tid før leigekontrakta gjeng ut, slik at vi får tid til å behandle søknaden din.
Når ein leigetakar flyttar ut brukar Sula kommune eit reingjeringsbyrå til nedvask av bustaden. Faktura frå reingjeringsbyrået blir belasta leigetakar. Det kan vere lurt å gjere ein eigeninnsats, til betre bustaden er vaska før reingjeringsbyrået startar på jobben, til lågare vil det fakturerte beløpet bli.
Du trenger ikkje å sei opp straumabonnementet ditt, det gjer vi.
Hugs at du må sende flyttemelding til Folkeregisteret og Posten.

Endringar i leigeforholdet

Søke om bytte av bustad eller forlenging av leigekontrakt

Flytte inn/ut

Flytte inn

Du må sjølv melde flytting til Folkeregisteret og gi Posten beskjed om ny adresse
Merk postkassa di med namn, du får postkasseskilt når du melder adresseendring til Posten.
Før du flyttar inn, gjeng Eigedomsavdelinga gjennom bustaden og sjekkar at alt er i orden. Dersom du oppdagar feil og manglar ved bustaden skal dette meldast inn via vårt system for drift og vedlikehald (FAMAC)

Flytte ut

Du må sei opp leigekontrakta skriftleg minst 3 månader før du vil flytte. Oppseiingsfristen gjeld ikkje om leigetakar døyr, i dei tilfella må det betalast husleige til bustaden er tømt og klargjort for ny leigetakar.

Skjema for oppseiing av kommunal bustad

Dette skal du gjere når du flyttar ut

Rydde og tømme bustaden for dine personlege eigedelar. Om du har ting som skal kastast kan du låne miljøstasjonskort til Bingsa på rådhuset. Kvar bueining kan levere inntil 600 kg blanda avfall kvart år. Du må hugse å få med kvittering frå Bingsa på det du har levert.
Når ein leigetakar flyttar ut brukar Sula kommune eit reingjeringsbyrå til nedvask av bustaden. Faktura frå reingjeringsbyrået blir belasta leigetakar, det kan likevel vere lurt å gjere ein eigeninnsats, til betre bustaden er vaska før reingjeringsbyrået startar på jobben, til lågare vil det fakturerte beløpet bli. Vi sender deg lenke til sjekkliste for vask når vi stadfestar oppseiinga di.
Når reingjeringsbyrået har kontrollert/vaska ned bustaden, vil tilsette frå Eigedomsavdelinga gå gjennom bustaden. Om det har oppstått skader/slitasje utover det ein kan forvente i leigeperioden, vil du kunne bli halden økonomisk ansvarleg for utbetringane.
Nøklane til bustaden skal du levere i servicetorget på rådhuset. Om du leverer nøklane utanom opningstida, kan du legge nøklane i postkassa ved inngangen. Legg dei i ein konvolutt som du merkar med namn og adresse. Om du leverer nøklane seinare enn avtalt, må du betale husleige til og med den dagen du leverer inn nøklane. Om du har mista ein eller fleire nøklar, vil du bli fakturert 500 kroner pr nøkkel.
Du trenger ikkje å sei opp straumabonnementet ditt, det gjer vi.
Hugs å sende flyttemelding til Folkeregisteret og Posten.

Dersom du flytter til ein ny kommunal bustad

Nøklane til bustanden du flyttar frå skal leverast til servicetorget på rådhuset seinast fem dagar etter at du mottok nøklar til ny bustad.
Om nøklane ikkje er levert innan fristen, må du betale husleige for begge bustadane til nøklane er levert.

Ordensreglar og klager

Husordensreglar

Klage på bumiljø

Vedlikehald av bustaden

Om det oppstår eit problem i den kommunale bustaden du leiger, ber vi om at du sjekkar i oversikta under for å sjå om dette er noko du sjølv har ansvaret for å utbtre, før du eventuelt kontaktar oss.

Ditt ansvar for vedlikehald

Du må erstatte all skade på eigedomen som skuldast deg og din husstand.
Du har ansvar vedlikehald av bustaden innvendig utover normal slitasje. Du må betale for vedlikehaldet sjølv.
Du er ansvarleg for snømåking, strøing og liknande arbeid, som for eksempel å halde arealet rundt bustaden ryddig.
Alt vedlikehald skal utførast på ein forsvarleg og god måte.
Du skal sørge for at bustaden til eikvar tid er i same stand som ved innflytting. Med unntak av det som skuldast alminneleg slitasje.
Du har ansvaret for reinhald av bustaden din, og eventuell andel av fellesareal.
Dersom ikkje anna er avtalt, er du pliktig til å vedlikehalde følgande
- Dørlåsar
- Dusjforheng
- Bytte av lyspærer
- Reinhald og skifting av filter i kjøkkenventilator.
Du pliktar å halde sluk, avløp og rør opne . Du må sørge for å få disse opna om dei skulle gå tett. Bruk MUDIN avløpsåpner ved behov. IKKjE BRUK PLUMBO. Sjå elles informasjon under punktet tenester du må betale for.
Du har ansvar for at røykvarslarar og brannslukkingsapparat er i stand.
Du har ansvar for vedlikehald av kvitevarer som ikkje er integrert
Du har ansvar for TV-apparatet ditt, og må sjølv kontakte den som leverer TV-tenester til deg.
Du pliktar å halde bustaden oppvarma når det er fare for frost. Du er erstatningspliktig for skader ved frost som skuldast deg, eller andre i din husstand.

Brannsikkerheit

Røyking og stearinlys

Det er ikkje lov å røyke eller bruke stearinlys innandørs.

Røykvarslar

Om røykvarslaren pip med jamne mellomrom må du bytte batteri. Du skal bytte batteri i røykvarslarane minst 1 gang per år.

Brannsløkkingsapparat

Brannsløkkingsapparatet skal henge på veggen og vere godt synleg.

Du må appratet med jamne mellomrom, minst ein gong i året. Sjekk at målaren på apparatet peikar mot det grøne området. Det er også lurt å snu på apparatet nokre gongar slik at pulveret flyttar på seg.

Sjå korleis du skiftar batteri i røykvarslar og kontrollerer brannslokkingsapparatet i denne videoen (Boligbygg Oslo KF).

Informasjon om brannvern på fleire språk (Norsk brannvernforening)

Nøklar

Kjøkken

Komfyren virkar ikkje

Har du sjekka om sikringa har gått? Nokre sikringsskap har ikkje kapasitet til at du kan bruke alle kokeplatene og steikomnen samtidig. Skru av alle platene og steikomnen, vipp opp sikringa. Slå på att ei og ei plate, ikkje skru alle på fullt.
Har bustaden komfyrvakt? Om komfyrvakta pip må du trykke på knappen på komfyrvakta for å vise at du er til stades. Om du ikkje trykker på knappen, kuttar komfyrvakta straumen på komfyren din. Om det skjer må du skru av alle plater, trykke på knappen på komfyrvakta, og skru på komfyren igjen.

Video om komfyrvakt (Boligbygg Olso KF)

Bad

Tenester du må betale for

Følgande tenester må du betale for

Ny nøkkel 500,00 kroner
Innlåsing til eigen bustad på dagtid: 1 000,00 kroner
Innlåsing til l eigen bustad på kveld/helg: 2 000,00 kroner
Miljøgebyr for søppel/eigendelar i fellesområde: 1 000,00 kroner
Hjelp fra oss til opning av tette sluk og avløp på dagtid: 1 000,00 kroner
Hjelp til opning av tette sluk og avløp på kveld/helg: Faktiske kostnadar
Hvis rørlegger må tilkallast: Faktiske kostnader
Unødvendig brannalarm: Faktiske kostnadar

Vaktmeister

Om det oppstår eit problem i den kommunale bustaden du leiger, ber vi om at du sjekkar om dette er noko du sjølv har ansvaret for å utbetre i oversikta over, før du kontaktar kommunen.

Når vi har mottatt meldinga di, vil vi gjere ei vurdering av om dette er ei oppgåve som ligg til vaktemeistertenesta i Sula kommune, eller om det er noko du er ansvarleg for å ordne sjølv. Du vil få tilbakemelding frå oss på om dette på e-post. Om det er ei oppgåve som ligg til vaktmeistertenesta vil du også få ein E-post frå oss. Vaktemeistar vil så ta kontakt med deg fo vidare oppfølging.

Du kan melde sak til vaktmeistertenesta digitalt (FAMAC), eller ringe servicetorget på telefon 70 19 91 00.

Akutt problem

Om det oppstår eit akutt problem som kan føre til varig skade på bustaden om det ikkje blir utbetra med ein gong, for eksempel vasslekkasje, kan du ringe teknisk vakt på 900 50 777.

Skjema

Sist endra 29.11.2023 11.36