• Du har rett til å høyre til i ein felleskap og ha det trygt på skulen og skulevegen, slik du opplever det.
• Du har rett til å vere med i arbeidet for eit godt skulemiljø.
• Dei vaksne skal heile tida følgje med på korleis du har det, lytte til deg, hjelpe og rettleie deg.
• Du skal få hjelp til å forstå og følge reglane på skulen, og til å utvikle deg og framstå som den beste du kan vere.
• Når det kjem fram at du ikkje har det trygt og godt på skulen, sfo eller på leksehjelpa, skal dei vaksne saman med deg og foreldra dine finne ut kva som kan gjere at du får det betre og straks sette i gang tiltak.
• Du må gjere ditt beste for at alle skal få vere med i fellesskapen, og ta ansvar og ordne opp om du kjem til skade for å krenke eller øydelegge for nokon.
• Du må seie stopp og varsle ein vaksen dersom du ser eller forstår at ein annan elev ikkje har det trygt på skulen eller på skulevegen.

Aktuelle lenker

• Overordna ordensreglement for grunnskulane i Sula kommune (PDF, 516 kB)
• Skulemiljø, informasjon til elevar og føresette

• Å skape eit godt skulemiljø er alle sitt ansvar. Føresette skal delta aktivt i dette, saman med elevane og skulen sitt personale og leiing.
• Elevar og føresette skal bli informert om det som er viktig for skulemiljøet og har rett til innsyn i alt som gjeld skulemiljøarbeid.
• Føresette skal hjelpe elevane til å forstå og følgje reglane på skulen.
• Dersom de som føresette er uroa for, får kjennskap til eller mistanke om at dykkar barn ikkje har det trygt og godt på skulen, skal de kontakte skulen v/rektor og melde frå om dette.
• Dersom eleven fortel det til ein vaksen på skulen eller ein vaksen på skulen får kjennskap til det på andre måtar, skal ein melde frå om dette til rektor.
• Skulen skal straks undersøke saka, lage ein plan med tiltak og iverksette desse. Føresette og eleven skal informerast om tiltaka innan ei veke.
• Dersom skulen ikkje gjer dette, kan de melde saka vidare til fylkesmannen.                 De må ha tatt saka opp med rektor først og det må ha gått minst ei veke frå de tok opp saka.
• Fylkesmannen skal undersøkje alle sider ved saka; snakke med elevar, føresette, skulen sitt personale og leiing, og gjennomgå dokumentasjonen.
• Dersom Fylkesmannen finn at skulen ikkje har gjort det som skal gjerast, kan Fylkesmannen avgjere kva skulen skal gjere og sette ein tidsfrist for dette. Vedtaket til Fylkesmannen kan elev og foreldre påklage til Utdanningsdirektoratet

Aktuelle lenker

• Overordna ordensreglement for grunnskulane i Sula kommune  (PDF, 516 kB)
• Nullmobbing.no
• Skulemiljø, informasjon til elevar og føresette
• Foreldreutvalet for grunnopplæringa

• Skulen skal arbeide systematisk for å førebyggje at elevar opplever at skulemiljøet ikkje er trygt og godt.
• Alle som arbeider på skulen skal følgje med om elevane har eit trygt og godt skulemiljø.
• Skulen har også ansvar dersom årsaken til mistrivsel og utryggheit skjer utanfor skuletida og skuleområdet.
• Skulen har eit skjerpa ansvar for elevar som er særskilt sårbare og når tilsette krenkar elevar.
• Alle som arbeider på skulen skal gripe inn og stoppe det med ein gong, dersom det er mogleg.
• Rektor skal varslast.
• Kommunalsjef skal varslast umiddelbart når ein tilsett krenkar ein elev.
• Skulen skal undersøkje saka og utareide ein plan med tiltak (aktivitetsplan) innan ei veke.
• Skulen må samarbeide tett med heimen.
• Skulen må dokumentere kva som er gjort.
• Skulen må følgje opp tiltaka som blir sett inn og sjå om dei verkar etter intensjonen. Nye tiltak må settast inn om eleven framleis ikkje har det trygt og godt på skulen.
• Skulen kan søkje råd med- og involvere andre ved behov. Tiltakseining for barn og unge (TBU) driftar tverrfaglege tiltak som SamBa og TBU konsultasjonsteam, og PPT og helsesøster har faste kontaktdagar på skulane. Fagleiar for PPT er kommunen sin kontaktperson for mobbeombodet i fylket.

Aktuelle lenker

• Overordna ordensreglement for grunnskulane i Sula kommune (PDF, 516 kB)
• Aktivitetsplikt, Utdanningsdirektoratet

Mobbeombodet er ei ombodsteneste som skal sikre at barn og unge i Møre og Romsdal får ein trygg og god kvardag i barnehagen og på skulen.

Mobbeombodet kan svare på spørsmål, gi støtte, råd- og rettleiing til barn, elevar og føresette som står i vanskelege situasjonar. I tillegg jobbar mobbeombudet med førebygging og bidrar gjerne med kurs og foredrag på ulike område.

Alle kan ta kontakt med mobbeombodet. Mobbeombodet har teieplikt.

Slik når du oss:

• Telefon: 712 80 433 / 911 40 259
• E-post: mobbeombodet@mrfylke.no
• Du kan følge mobbeombudet på Facebook 
• Du finn også meir informasjon på Møre og Romsdal Fylke sine heimesider