Lavterskeltilbod til barn, ungdom og foreldre

Barselgrupper

ICDP - foreldrerettleiing gruppe

Foreldrerettleiing ICDP - International Child Development Programme.

ICDP er eit universelt førebyggande og helsefremjande program for foreldrerettleiing utarbeida i Noreg, og brukt i meir enn 200 kommunar og i over 30 land. Sula kommune tilbyr fleire grupper årleg.

Målet med ICDP

Målet er å finne trygging og bekrefting på at vi er gode føresette ved at vi blir meir bevisste på kva vi gjer som er bra for barna. Du vil ikkje få ei oppskrift, men hjelp til å finne løysingar for deg og barnet ditt - gjennom samtalar, øving i gruppa og idear eller oppgåver du prøver ut heime. Programmet er basert på 8 tema for godt samspel som vi går gjennom i løpet av dei 8 samlingane.

Korleis kan du få eit endå betre forhold til barnet ditt?

Som føresette har vi mange gleder og utfordringar. I ein travel kvardag kan det bli lite tid til å tenke over korleis vi er som føresette, og kor viktige vi er for barna våre. I ICDP-gruppene blir det lagt til rette for å møte andre foreldre, dele erfaringar og drøfte gleder og utfordringar i samspelet mellom barn og føresette.

Kven kan vere med?

Programmet er for alle småbarnsforeldre til barn mellom 6 mnd og 2 år i kommunen.

Er nysgjerrig på korleis du kan få eit endå betre forhold til barnet ditt.
Er interessert i korleis du kan støtte og hjelpe barnet ditt til ei best mogleg utvikling.
Vil vite korleis andre føresette løyser vanlege utfordringar.
Har lyst til å dele tankane og ideane dine med andre.

Gruppene går over 8 gongar med samlingar på ca. 1,5 t. Det er maks 8 deltakarar i kvar gruppe.

Planlagde kurs og påmelding.

Ingen planlagde grupper, men dersom du interessert, ta kontakt med tiltakskoordinator for barn og unge

Meir informasjon:

Foreldrebrosjyre ICDP (PDF, 893 kB)

Kva kostar det?

Tilbodet er gratis.

Kontaktinformasjon

Kontakt tiltakskoordinator for barn og unge

BAPP - gruppe for barn og ungdom

Målgruppe

Tilbodet er for barn/ungdom med foreldre som strevar med avhengigheit eller psykiske vanskar, eller har søsken som strevar med det same.

BAPP - grupper er eit førebyggande gruppebasert helsetilbod for barn i alderen 8 – 12 år, eller ungdom 13 - 15 år. Målet er å styrke forståing, fellesskap og meistring av eigen kvardag.

I BAPP - gruppe vil du

Møte andre barn/ungdom i same situasjon.
Øve på å få vaksne til å forstå.
Trene på sjølvhevding - våge å sei i frå.
Arbeide med tankar og kjensler.
Forstå meir av kva som foregår.
Ha det hyggelig med litt mat.

Gruppa møtast etter skulen - ein fast dag i veka. Barn og ungdom møte til 9 samlinger, foreldre møte til 2 samlinger - 1,5 kvar gang.

Neste kurs

Ingen planlagde grupper, men dersom du interessert, ta kontakt med tiltakskoordinator for barn og unge

Kontaktinformasjon

Kontakt tiltakskoordinator for barn og unge

Helsestasjon for ungdom (HFU)

SamBa (saman om barna) - tverrfagleg møte

Tverrfagleg møte der foreldre er ein viktig samarbeidspart. Møta skal ha eit løysingsorientert fokus og ei målsetting om å rettleie foreldre/føresette og fagperson så tidleg som mogleg, medan utfordringane framleis er små.

Metodebok for SamBa for gravide og barn frå 0-16 år (DOC, 310 kB)

Målgruppe

Barn frå 0 – 15 år som for eksempel viser teikn på mistrivsel, stress, som strevar sosialt, kjenslemessig, med regulering, eller at familiesituasjonen er vanskeleg. På ungdomsskulen er det ønskeleg at eleven deltek.

Kontaktinformasjon og bestilling

Samtykke og brosjyrer

Kontantkassa Aktivitetstilskot

Opplæring om psykisk helse, ungdomsskulen

Opplæring om psykisk helse, 4. klasse

Barn med to heimar - gruppetilbod (PIS)

Utekontakt

Donken Fritidsklubb

Årshjul for tiltakseininga for barn og unge

Opplæring om psykisk helse i barnehagen

COS-P Circle of security, foreldrerettleiing.

Mange foreldre synes det er utfordrande å gje barna sine tryggleik og god oppvekst. Foreldrerettleingskurset Circle of Security (COS), tryggleikssirkelen, skal gi foreldre verktøy til å forstå betre kva behov barn har, kva signal dei gjev og kva vi kan gjere for å møte desse behova betre.

Målet med COS-P

Circle of Security (COS) Parenting er eit foreldrerettleiingsprogram med ei målsetting om å fremje trygg tilknyting mellom foreldre og barn. COS-P-kurs skal støtte foreldre, eller dei som jobbar med barn, til å forstå kvifor barn oppfører seg slik dei gjer, kva behov dei har, og korleis ein kan møte behova på ein omsorgsfull og utviklingsstøttande måte. Den kjenslemessige og reflekterande delen av programmet er viktigare enn å lære foreldra teknikkar for korleis dei taklar barn si åtferd. COS legg vekt på at alle foreldre har sine kampar og ting ein strevar med. Det vert jobba med refleksjon rundt kva dette eigentleg handlar om, og på denne måten vert du som omsorgsgivar gitt fleire val for korleis du ønskjer å løysa utfordringane.

I COS-P snakkar vi om

Tryggleikssirkelen: Tryggleikssirkelen gir oss hjelp til å sjå kva behov barn har for støtte frå foreldre, både når dei utforskar verda og når dei opplever vanskelege kjensler.
"Vere saman" i tryggleikssirkelen: Barn lærer og utviklar seg i samspel med foreldre. Samspelet er grunnleggande for korleis barn utviklar trygg tilknytning kjenslemessig.
Vegen til tryggleik: Kor tilgjengeleg du er som forelder påverkar ditt barn sin måte å formidle kjensler og behov.
Vanskelege situasjonar: Vi vil gi foreldre nokre reiskap til samspel mellom dykk og barna når situasjonen kjem ut av kontroll. Vi ser på balansen mellom det å vere tydeleg og samtidig vere en god forelder.
Foreldra sine eigne erfaringar: Nokre gonger har vi vaksne erfaringar frå eigen fortid som gjer at reaksjonar i notid kan bli "større" enn nødvendig. Kurset vil gi dykk nokre reiskap til korleis de kan handtere dette.

Kven kan vere med?

Kursa er prioritert for foreldre med barn mellom 0-10 år. Kurset går over 8 gongar, 1,5 time per gong. Kurset vekslar mellom video og samtale. Det er opp til kvar deltakar kor mykje eller lite ein vil dele. Deltaker må har god norsk kunnskap for å få best utbytte av kurset.

Planlagde kurs

Oppstart nytt kurs: torsdag 10.september 2026 kl. 17.00

Korleis melde seg på?

Trykk her for påmeldingsskjema

Kva kostar det?

Tilbodet er gratis.

Meir informasjon

Parent Management Training Oregon (PMTO) Foreldrerettleiing

PMTO - tilbod til familiar med barn

PMTO (Parent Management Training-Oregon) er eit evidensbasert tilbod for familiar med barn som opplever utfordringar knytt til samarbeid, grensesetting og samspel i kvardagen. Målet er å styrke relasjonen mellom føresette og barn, og bidra til positiv utvikling så tidleg som mogleg.

Sula Kommune tilbyr tre ulike PMTO-tilbod, tilpassa ulike behov:

PMTO-terapi

Målet

Målet er å redusere åtferdsvanskar ved å styrke samspelet mellom barn og føresette. Føresette får støtte til å utvikle ein positiv og trygg foreldrepraksis som fremjar barnet si utvikling.

Innhald:

Føresette samarbeidar tett med ein terapeut og arbeider med konkrete ferdigheiter som kan brukast i kvardagen.

Fokus på samspel, foreldrerolla og barns åtferd
Arbeid med konkrete situasjonar frå kvardagen, med hjelp av konkrete verktøy.
Systematisk trening på nye ferdigheter

Korleis føregår det?

Jamlege samtalar (10-40 samtalar)
Tilpassa opplegg i lag med familien
Øving og oppgåver mellom møta

Kven passar det for?

Familiar med barn (3-12 år)
Som har åtferdsvanskar eller mykje konflikt i kvardagen.

Dersom du tenker at PMTO terapi, ellet PMTO rådgiving er noko for din familie: fyll ut skjema til foreldre og ungdomstøtte team.

PMTO-rådgiving

Målet

Målet er å førebygge utvikling av åtferdsvanskar og styrke positivt samspel mellom barn og føresette.

Innhald:

Føresette får støtte til å:

Etablere gode rutiner i kvardagen
Redusere konflikt og stress
Bruke positive foreldreferdigheter
Støtte barnet si utvikling og meistring

Korleis føregår det?

Kortvarig rettleiing (4-7 møter)
Samtalar med utgangspunkt i kvardagssituasjonen
Enkle verktøy som kan takast i bruk med ein gong.

Kven passa tilbodet for?

Føresette med barn (i alder 3-12 år) som:

Opplever byrjande utfordringar
Ønsker støtte tidleg
Vil førebygge vidare utvikling av vanskar

Dersom du tenker at PMTO terapi, ellet PMTO rådgiving er noko for din familie: fyll ut skjema til foreldre og ungdomstøtte team.

PMTO - foreldregruppekurs

PMTO-foreldregruppekurs er eit gruppetilbod for føresette som ønskjer støtte i møte med utfordringar i samspel med barnet.

Målet med foreldrekurs:

Målet er å styrke relasjonen mellom barnet og føresette og bidra til meir samarbeid og trivsel i familien.

Innhald:

Førsette lærer konkrete strategiar gjennom

Samtalar og refleksjon
Øvingar

Tema i gruppa er mellom anna:

Positiv merksemd og ros
Gode rutiner
Grensesetting
Problemløysning og konflikthandtering

Korleis føregår det?

Samlingar i gruppe leia av to rettleiiarar
Kombinasjon av fagleg input og erfaringsdeling
Fokus på å prøve ut nye strategiar heime

Kven passa tilbodet for?

Føresette med barn i alder 4-10 år som har opplevd utfordringar i kvardagen eller ønskjer å styrke samspelet med barnet.

Neste kurs:

Neste kurs starta opp onsdag 26.august kl. 17.00

Påmelding:

Her finn du lenkje til påmelding.

Har du spm? Ta gjerne kontakt med tiltakskoordinator:

Kontakt tiltakskoordinator for barn og unge

Sjølvhjelpsverktøy

Ung mestring

Tuning in to teens - (TINT) Foreldregruppekurs

Vil du hjelpe tenåringen din med å handtere kvardagens mange følelsar?

Tuning in to Teens™ (TINT) er eit foreldrerettleiingskurs som fokusera på å styrke det emosjonelle bandet mellom foreldre og tenåringar, i tillegg til å auke både emosjonell forståing og emosjonell kompetanse.

Gjennom Tuning in to Teens™ vil du utvikle ferdigheiter innan noko som blir kalla emosjonsrettleiing. Det handlar om å anerkjenne, forstå og handtere både eigne og tenåringen sine følelsar. Ein tenåring som blir møtt med slik emosjonell forståing, vil også sjølv tileigne seg nye emosjonelle ferdigheiter og kompetansar, og vere betre rusta til å handtere livets opp- og nedturar.

Tuning in to Teens™* har som mål å auke emosjonell kompetanse – det vil seie evna til å:

Identifisere og forstå eigne kjensler
Bruke kjensler for å navigere i sosiale samspel
Bruke emosjonell medvit for å ta val og løyse problem
Handtere frustrasjon og kunne vente på det ein ønskjer seg
Hindre at stress og uro tek over og hindrar klar tenking
Ha kontroll over korleis og når du uttrykkjer kjensler

Emosjonell kompetanse er viktig både for deg og tenåringen din. Det gir dykk betre kontroll over eigne handlingar, bidreg til å redusere stress, og gjer dykk i stand til å roe dykk sjølve og halde konsentrasjonen i utfordrande situasjonar. I tillegg vil auka emosjonell kompetanse hjelpe tenåringen din med å byggje gode og varige vennskap og nære relasjonar.

Tuning in to Teens™ er eit forskingsbasert program. Mange studiar har vist gode resultat. Funn viser at foreldre som deltek på TINT utviklar betre evne til emosjonsrettleiing, og at tenåringane får betre emosjonell forståing. Det er òg ofte rapportert om reduksjon i både innadretta og utadretta utfordringar.

Kven kan delta?

Kursa er spesielt godt eigna til foreldre med barn i aldersgruppa 10-18 år.

Planlagt kurs:

Vinter 2027

Korleis melde seg på?

Dersom du ønsker å delta på TINT kan du registrere deg her, så får du beskjed og lenkje til påmelding når dato er avklart.

Meir informasjon:

Ta kontakt med tiltakskoordinator på tlf. 90479129 dersom du har spm.

Open hall - møteplass for 8.trinn og oppover

Ungdomskafè frå 10.trinn

Glennes foreldreprogram

Rettleiingsprogrammet for foreldre til barn med autismespekterforstyrringar (ASF) er utvikla på bakgrunn av eit prosjekt gjennomført av autismeavdelinga ved Glenne regionale senter for autisme, som vart ferdigstilt i 2007.

Bakgrunnen for prosjektet var eit ønske om å styrkje ferdigheitene og moglegheitene foreldra til barn med autismespekterforstyrringar har til å løyse utfordringar som er særskilt knytte til det å oppdra barn med autismespekterforstyrringar.

Målet med Glennes foreldreprogram:

Deltaking i Glennes Foreldreprogram har som føremål å styrkje foreldra sine moglegheiter til å lukkast betre i samhandlinga med barna sine. Dette inneber både å styrkje ferdigheitene deira til å analysere kva som skjer i konkrete samhandlingssituasjonar, korleis ein kan leggje til rette for og gjennomføre samhandling tilpassa føresetnadene til barnet deira, og korleis ein kan handtere ulike situasjonar som oppstår i kvardagen. Tilbodet er tilpassa det å ha barn med utfordringar innan ASF.

Foreldreprogrammet er delt inn i tre hovudområde. Dei første fire vekene arbeider ein med positiv samhandling. Deltakarane får teoretisk opplæring i dei ulike tema, dei får praktiske erfaringar og øvingar som er tilpassa kvar einskild, og dei får heimeoppgåver som dei arbeider med mellom samlingane. Tema desse vekene er å kome i posisjon til positiv samhandling, åtferdsskildring, å setje at tid til å vere saman, avgrense krav, bevisthet rundt ros og gode beskjedar i samhandling.

Dei neste vekene arbeider ein meir systematisk med opplæring og tilrettelegging for sjølvstende, med fokus på ananyse av åtferd og motivasjon. Dei siste vekene går ein gjennom sentrale prinsipp knytt til grensesetting. Dette blir tilpassa ASF og utfordringar som er vanlege innan autismespekteret.

Dei ulike delana av tilbodet byggjer på kvarandre i ei fastlagd rekkjefølgje. Dette føreset at alle deltakarane deltek i heile programrekkja.

Kven kan være med?

Foreldreprogrammet er for foreldre til barn med autismespekterforstyrrelse, frå 4 år og opp til 18 år. Veiledninga består av møte kvar veke i 12 veker, med bestemte tema for kvar samling. Kvart møte er på 2,5 time. Foreldreprogremmet passa for dei foreldra som har jevn kontakt med barna. Foreldre må være motivert til endring heime, og må ha mulighet til å bruke tid på dette den perioden de er med i veiledningsprogrammet.

Planlagte kurs:

Informasjonsmøte: tirsdag 22.september kl. 17.00 på Molværevegen 17 (for alle påmeldte)

Foreldreprogrammet: tirsdag 13.oktober kl. 09.00 - 11.30.

Korleis melde seg på?

For påmelding, gå inn på skjema og kryss av for Glennes Foreldreprogram

Kva kostar det?

Tilbodet er gratis

Meir informasjon

Her finn du meir informasjon om Glennes foreldreprogram

Kontakt tiltakskoordinator for barn og unge

Sentralbord og innbyggartorg er ope mandag og onsdag frå kl. 09:00 - 13:00

Kontakt