Områdeplan for Sulafjellet (Sula Gondol)
Saka om ei eventuell gondolbane frå Devoldfabrikken til Rundehornet, har skapt mykje engasjement. Vi har laga denne nettsida då vi ser at folk har eit stort behov for faktabasert informasjon.
_________________________________________________________________________________
Nytt i saka
Det har tidlegare blitt signalisert at saka skulle opp i plan- og miljøutvalet i Sula 25. januar og i kommunestyret 8. februar, men no er den politske behandlinga utsett.
– Administrasjonen treng meir tid til å utarbeide eit godt og gjennomarbeida dokumentunderlag for saka. Slik vi vurderer det no er det realistisk at saka kan leggast fram til politisk behandling i løpet av april, skriv kommunedirektør Bente Glomset Vikhagen.
Ho legg til at saka er av stor interesse, og mange nok ønsker ei snarleg avklaring.
Vi håper likevel det er forståing for at grunnlaget for saka må vere forsvarleg greidd ut før den kan leggjast fram for politisk behandling, seier Vikhagen
_________________________________________________________________________________
Sida er under arbeid, vi fyller på med ny informasjon etter kvart som den kjem inn. Vi håper at du finn informasjonen nyttig, og at du finn det du leitar etter, men saknar du noko vil vi gjerne at du melder frå til oss.
Oversikt over det som har skjedd i saka så langt
Her finn du ei kronologisk oversikt over saker som har vore, eller skal opp til politisk behandling
Les heile saksframlegget og politisk behandling her
K-036/21 Vedtak:
Sula kommunestyre godkjenner avtale mellom Sula kommune og Flakk Gruppen AS når det gjeld samarbeid om områderegulering av «eit større areal på Sulafjellet og i Langevåg». Jf vedlegg med dok.ID 519662.
Sula kommunestyre vedtek at Flakk Gruppen AS kan starte områderegulering som tar utgangspunkt i trasé for gondolbane «alternativ B», som vist i planområde for samarbeidsavtalen. Jf vedlegg med dok.ID 519862.
Sula kommunestyre føreset at Flakk Gruppen AS går i positiv dialog med berørte parter under arbeidet med områderegulering, med det formål å finne omforente løysingar for desse.
Sula kommunestyre føreset også at orienteringa i brev av 02.03.21 frå Flakk Gruppen AS tilSula kommune, i avsnittet berørte boligar og grunneigarar, skal framleis stå ved lag i detvidare arbeidet.
Opptak av behandlinga i Sula kommunestyre 06. mai
Dokumenta i saka om Destinasjon Sulafjellet er fordelt på to arkivsaker, her finn du inn- og utgåande dokument til/frå Sula kommune i saka.
Planen ligg no i Fylkeskommunen sin kartportal (gislink.no).
- Zoom inn på Sula kommune
- Planen ligg under kartlag på venstre side -> Plan -> Høring Reguleringsplaner
- Ved å flytte markøren til høgre for overskrifta (markert med gult i bilde under) kan du gjere planen gjennomsiktig, på den måten kan du sjå kva som ligg i planområdet pr i dag (bygningar, vegar mm.)
Nedanfor finn du litt informasjon om gangen i ein planprosess, korleis ein reguleringsplan blir til, når i prosessen du kan komme med innspel, og kva rettar du har til å klage på eit eventuelt vedtak.
Grafisk illustrasjon av planprosessane
Sist endra 16.01.2024 09.05